Emin Ağalarov erməniəsilli ifaçının Bakıya gətirməsindən DANIŞDI


"Pulum tam olmadığı üçün yox, vəziyyət ağır idi. Biznesin bir hissəsi pandemiya dövründə bağlandı: fitnes mərkəzləri, restoranlar. Heç kimi işdən çıxartmadım, komandanı saxlamağa çalışdım. Məvacibləri vermək üçün avtomobillərimi satdım".

 

Bu sözləri Xalq artisti və iş adamı Emin Ağalarov qonaq olduğu "Persona" verilişində deyib.
 

Emin "Jara" musiqili festivalına erməniəslli müğənninin gəlməsindən söz açıb.

 

Aparıcının "Jara" musiqili festivalı qalmaqalsız ötüşmədi.Rusiyada yaşayan erməniəsilli müğənniləri (müğənni Zaranı nəzərdə tutulur - red.) Bakıya dəvət etdiniz. Məsələn Azərbaycan Respublikasının icazəsi olmadan Ermənistanda konsert verən Soso Paliaşvilini gətirdiniz. Bu, Azərbaycandakı işinizə və yaradıcılığınıza necə təsir etdi" sualına Eminin cavabı belə olub:

 

"Heç bir təsiri olmadı. Birincisi, Qarabağda çıxış etmiş müğənnilərin siyahısına gəldikdə hamısı anlamışdılar ki, onları aldadıblar. Bura gəlməzdən əvvəl bir sıra mərhələlərdən keçdilər. Bunlarla da bura gəlişləri qanunlaşdı. Yəni, bu, mənim şəxsi qərarım deyildi. Qərar müxtəlif mərhələlərdə, müxtəli instansiyalar tərəfindən reallaşdırılmışdı. Üstəlik, o müğənnilərin hamısı Azərbaycanı çox sevirlər. Onlar bu səhnəyə ən xoş arzularla, xoş sözlərlə çıxırdılar. Tamaşaçılar da onları hərarətlə qarşılayırdı. Ona görə də deyə bilmərəm ki, biz ölkə olaraq və mən şəxsən haradasa nəsə itirdik. Aydındır ki, həmin mərhələdə məlum münaqişənin formalaşdırdığı neqativ var idi. Lakin mənə elə gəlir ki, ölkə artıq uğurla o səhifəni çevirir".

 

"Gələcəkdə erməni milliyətindən olan insanları Azərbaycana dəvət etmək istəyərdiniz" sualına isə E.Ağalarov "Bilmirəm, ölkəmizin mövqeyi necə olacaq. Başa düşdüyüm qədər idmançılar münaqişənin qaynar zamanı da bura gəlirdilər. Hətta ölkənin birinci şəxsi erməni idmançısının boynuna medal taxmışdı. Gözəl və doğru addım idi. Çünki idmanda qalib mənşəyindən, milliyətindən asılı olmayaraq qalibdir. Fikrimcə, musiqidə də elədir. Əgər mən başa düşsəm ki, ölkəmizə istənilən mənşəli müğənnilər gələ bilərlər, bu istiqamətdə ölkəmlə sinxron işləyəcəyəm. Ölkəmiz onların gəlişindən imtina etsə, biz də edəcəyik" fikirlərini dilə gətirib.

Tarix: 29-04-2024, 12:31
Baxış sayı: 149







TAM XƏBƏR
Bütün
Xəbərlər
Müsahibə
Foto
Sorğu
Günün fotosu

Ağadadaş Ağayevin keçmiş gəlini dələduzluq edir? - FOTOLAR

Son xəbərlər