Conni Depp onu gələcək “Modi” bioqrafik filmi üçün rejissor kürsüsünə qayıtmağa inandırdığına görə Al Paçinoya minnətdarlığını bildirib.

Hazırda istehsal olunan yeni film italyan rəssam Amedeo Modilyaninin Birinci Dünya müharibəsi zamanı Parisdə 48 saatlıq həyatından bəhs edir. Bu, 1997-ci ildə Depp tərəfindən çəkilmiş “Cəsur”dan (The Brave) sonra ilk filmdir. O, həmin filmdə də Marlon Brando ilə birlikdə çəkilib.

Todaynews.az xarici KİV-lərə istinadla xəbər verir ki, Deppin dediyinə görə, məhz filmdə incəsənət əsərlərinin əsl fransız kolleksiyaçısı Moris Qanqn rolunu ifa edən Al Paçino onu layihəyə qoşulmağa razı salıb.

“Modi” rejissoru qismində bu kinematoqrafiya səyahətinə giriş inanılmaz dərəcədə faydalı və kökündən dəyişdirən təcrübə oldu, – deyə Depp açıqlamasında bildirib. – İşə sarsılmaz sədaqəti və yaradıcılığına görə bütün aktyor heyətinə, çəkiliş qrupuna və prodüserlərə dərin minnətdarlığımı bildirmək istərdim. Məndən bu filmi çəkməyi xahiş edən Al Paçinoya, – mən ona necə “xeyr” deyə bilərdim? İstedadının səxavətli töhfəsi və bu layihəyə sədaqətinə görə ona səmimi minnətdarlığımı bildirirəm. Müstəqil kinoistehsalında “Modi” əməkdaşlıq ruhunun sübutudur, mən bu unikal və çox maraqlı hekayəni dünyaya təqdim etməkdən məmnunam”.

Filmdə Modilyani rolunda italyan aktyor Rikkardo Skamarço çəkiləcək, ikincidərəcəli aktyor heyəti isə Antoniya Despla, Stiven Grem və Salli Fillipsi özündə ehtiva edir.

Pres-relizə əsasən, “Modi” tamaşaçını “48 saatlıq qasırğadan keçirərək, Birinci Dünya müharibəsi zamanı parçalanan Parisin küçələrində və barlarında xaotik hadisələr silsiləsini təsvir edib. Modinin karyerasına son qoymaq və şəhəri tərk etmək istəyi elitadakı həmkarları tərəfindən rədd edilir. O həyatını dəyişə bilən kolleksiyaçısı ilə qarşılaşdığı zaman xaos zirvəsinə çatır”.

Bu film Deppin rejissor Mayvennin XV Lüdovik və onun məşuqəsi Jannanın həyatından bəhs edən “Janna dü Barri” filmində göründüyündən bəri ilk layihəsi olub.