İqbal Ağa-zadə evinin işıqlarını kəsəni polisə verdi. A- / A+
İqbal Ağa-zadə evinin işıqlarını kəsəni polisə verdi.


Keçmiş millət vəkili, Ümid partiyasının sədri İqbal Ağazadə ona qarşı təxribat olduğunu bildirib. Todaynews.az xəbər verir ki, İ.Ağazadə bildirib ki, təxminən ay yarım əvvəl gecə saatlarında naməlum şəxs onun evinə gələn əsas elektrik xəttini xüsusi alətlə kəsib, qaz sayğacından evə qaz dolmasını xəbərdar edən xətti sıradan çıxarıb: “Bununla bağlı hüquq- mühafizə orqanlarına şikayət ərizəsilə müraciət edərək olayın araşdırılmasını xahiş etmişdim. Ərizəmə video görüntüləri də əlavə etmişdim, hadisəni törədən şəxsin kimliyini müəyyən etmək o qədər də çətin deyildi. Lakin keçən günlər ərzində bununla bağlı ciddi bir nəticə əldə edilmədi.

Bu gün yenə də gecə saatlarında qəflətən işıqlarımız söndü. Qonşuların işıqlarının yanması məndə olayın təkrarlandığı qənaəti yaratdı. Mən dərhal küçəyə çıxdım və işığı kəsən adamın qaçdığının şahidi oldum. Uzun təqibdən sonra onu yaxaladım. Əlində xüsusi kəsici alət və özünü müdafiə üçün idman çubuğu (nunçaku) var idi. Müqavimət göstərsə də onu saxlamağa müvəffəq oldum. Şəxs rus millətindən olan, idmanla profesional məşğul olduğunu deyən birisi idi. Heç bir sualıma cavab vermədi. Danışdırmağa cəhd etsəm də sadəcə susdu. Bu hərəkətini niyə edib, məni və evimi necə tanıdığı barədə heç bir cavab vermədi. Bunu sıradan bir hadisə hesab etmirəm. Məni tanımayan, o cümlədən mənim tanımadığım birinin belə hərəkəti səbəbsiz və sifarişsiz deyil. Qənaətlərimi hələ bölüşmək niyyətində deyiləm. Çünki şəxsi hüquq - mühafizə orqanlarına, Xətai rayon 37- ci polis bölməsinə təhvil vermişəm. Heç kim, o cümlədən istintaq aparan şəxslər bu olayın təsadüf və ya adamın psixoloji problemi olması ilə izah etməyə çalışmasın. Bizə də məlum olan bəzi məsələlər var artıq.
Hüquq- mühafizə orqanlarından, xüsusilə cənab nazir Vilayət Eyvazovdan hadisənin profesional araşdırılması üçün gərəkilən tapşırıq verməsini xahiş edirəm”.шаблоны для dle 11.2
Tarix: 27-11-2019, 16:31
Baxış sayı: 1 269



Digər xəbərlər




      TAM XƏBƏR
      Son xəbərlər
      Facebook
      Foto

      "Qobustan rayonunun bərbad və natəmiz istirahət parkı"

      ƏN ÇOX OXUNANLAR
        Sorğu